Trip management software
Har trip ka poora hisaab — bhada, hire, advance aur bacha kitna.
Ek trip me kitni cheezein yaad rakhni padti hain
Party ka bhada, truck wale ka hire, driver ko diya advance, diesel, toll, loading-unloading, aur beech me aaya detention. In sab ka jod-ghata jab tak nahi hota, pata hi nahi chalta ki us trip me bacha kitna.
Trip bharte hi hisaab taiyar
- Party ka bhada aur supplier ka hire — dono apni jagah
- Bhada fixed bhi, per tonne / per kg / per km / per bag bhi
- Advance aur payment jo bhi gaya, apne aap ghat jaata hai
- Har trip ka munafa alag se dikhta hai — ghaate wali trip chhupti nahi
- Trip ki haalat: banayi, chalu, pahunch gayi, band
- POD ki photo trip ke saath hi chipki rehti hai
Gaadi, driver aur supplier
Har gaadi ka apna panna — uski trip, uska kharcha, uske kaagaz ki tareekh (insurance, fitness, permit, PUC). Driver ka apna khaata — advance kitna liya, kitna kata. Supplier ka apna ledger — hire kitna bana, kitna diya, bakaya kitna.
Purana data Excel se uthaa lo
Shuru karne ke liye sab dobara likhne ki zaroorat nahi. Party, driver, gaadi aur purani trip — Excel se seedha import ho jaate hain. Pehle jhaanki dikhti hai ki kya-kya ja raha hai, phir aap haan karo tab jaata hai.
Aksar poochhe jaane wale sawaal
Bhada per tonne ke hisaab se lagta hai, chalega?
Haan. Fixed, per trip, per tonne, per kg, per km, per day, per hour, per litre aur per bag — nau tarah se bhada lag sakta hai. Rate aur quantity daalte hi jod apne aap ho jaata hai.
Munafa kaise dikhta hai?
Party ka bhada minus supplier ka hire minus trip ke kharche — har trip ke saath uska apna munafa dikhta hai, aur mahine ka jod bhi.
Purani trips Excel se aa jayengi?
Haan. Apni sheet upload karo — column ke naam alag ho to bhi software pehchan leta hai. Pehle preview dikhta hai, phir aap haan karo tab data jaata hai.
Gaadi ke kaagaz ki tareekh yaad rahegi?
Haan. Insurance, fitness, permit aur PUC ki tareekh daal do — khatam hone se pehle dashboard par alert aa jaata hai.