Bilty, Invoice aur Delivery Challan — teeno me kya antar hai
Kaun sa kaagaz kaun banata hai, kis kaam aata hai, aur kab chahiye. Aur wo confusion jiski wajah se log bill bheje bina payment ka intezaar karte rehte hain.
Teen kaagaz, teen alag kaam
Naye log aksar in teeno ko ek hi samajh lete hain. Teeno alag hain, teeno ka maqsad alag hai, aur teeno ki zaroorat alag waqt par padti hai.
Lorry Receipt (Bilty)
Kaun banata hai: transporter
Kis liye: sabooth ki maal transport ke liye liya gaya hai
Ye transporter aur maal bhejne wale ke beech ka contract hai. Isme likha hota hai ki kya maal hai, kahan se kahan jaana hai, kaunsi gaadi me hai, aur freight kaun dega.
Bilty ki teen copy hoti hain — ek consignee ke liye (maal lene ke liye), ek consignor ke liye, ek transporter ke apne record ke liye.
Invoice (Bill)
Kaun banata hai: maal bechne wala, ya transporter apni service ka
Kis liye: paise maangne ke liye
Do tarah ke invoice chalte hain ek hi trip me:
- Maal ka invoice — jo bechne wala kharidne wale ko deta hai. Isme maal ki keemat hai.
- Freight ka invoice — jo transporter ya broker party ko deta hai. Isme sirf dhulai ka kharcha hai.
Bilty se paisa nahi maanga jaata. Paise ke liye invoice chahiye.
Delivery Challan
Kaun banata hai: maal bhejne wala
Kis liye: maal bhejna jahan bech nahi rahe
Iski zaroorat tab padti hai jab maal ja toh raha hai par sale nahi ho rahi — jaise repair ke liye bhejna, apne hi doosre godown me bhejna, ya exhibition ke liye. Isme keemat likhi hoti hai par wo bill nahi hai.
Ek nazar me
Kaun sa kab chahiye
Aam trip me: maal ka invoice, bilty, aur e-way bill (agar lagu ho) — teeno gaadi ke saath chalte hain.
Delivery ke baad: POD wali bilty copy, aur uske saath freight ka invoice — tabhi payment banti hai.
Sabse aam confusion
"Bilty bhej di, payment kab aayegi?"
Bilty bhejne se payment nahi banti. Party ke accounts ko freight ka invoice chahiye. Bilty sirf sabooth hai ki kaam hua.
Bahut se naye brokers hafton intezaar karte hain, jabki unhone bill bheja hi nahi hota.
---
TransportMaster me bilty aur uska invoice dono ek hi trip se ban jaate hain. 15 din free try karein.