TransportMaster me bilty kaise banayein — teen copy, ek click
Party chunte hi GSTIN aur address bhar jaate hain, LR number apne aap milta hai, aur teeno copy print ya WhatsApp ke liye taiyaar.
Haath se bilty banane me 10-15 minute lagte hain. Party ka naam, address, GSTIN — har baar dobara likhna. Aur ek digit galat ho jaye toh bill atak jaata hai.
TransportMaster me ek trip banate hi teeno copy taiyaar ho jaati hain.
Ek trip me kya bharna hota hai
Party — naam type karte hi list me aa jaati hai. Chunte hi GSTIN, address, credit days sab apne aap bhar jaate hain.
Route — kahan se kahan. Sheher ka naam likhte hi suggestion aate hain.
Truck — number chuno, driver aur supplier apne aap aa jaate hain.
Maal ka byora — kya hai, kitne package, kitna weight.
Freight — party se kitna, truck wale ko kitna, aur commission.
Bas. Save karte hi LR number apne aap ban jaata hai — silsilewaar, bina repeat ke.
Teen copy
Bilty ki teen copy hoti hain:
Teeno ek saath print ho jaati hain. Ya PDF bana kar WhatsApp par bhej do — aaj zyadatar log yahi karte hain.
Aapka logo aur signature
Profile me ek baar logo upload karo. Har bilty aur invoice par apne aap chhap jaata hai.
Signature bhi upload kar sakte ho — phir har copy par haath se sign karne ki zarurat nahi.
LR number ki chinta khatam
Manual register me teen dikkat hoti hain — number repeat ho jaana, beech ka number gayab ho jaana, ya do log alag register se likhna.
Yahan number apne aap milta hai. Series toot nahi sakti.
Prefix apne hisaab se rakh sakte ho — Settings me `LR`, `TM-26`, jo chaho.
Trip cancel karni pade toh
Bilty ka number chhodna nahi hai. Trip cancel karo, record me rahegi. Audit me koi poochhe ki 147 kahan gaya, jawab maujood hai.
POD
Delivery ke baad POD ki photo usi trip me upload kar do. Kaagaz gum ho sakta hai, photo nahi.
Aur jin trips ka POD nahi aaya, unki alag list dikh jaati hai — taaki bhoolein nahi.
Kya nahi kar sakta
Saaf baat — ye e-way bill nahi banata. Uske liye sarkari portal hi hai. Aap e-way bill number trip me daal sakte ho taaki sab ek jagah rahe, par banana wahin se hoga.
---
15 din free try karein — card ki zarurat nahi.