Bilty (LR) kya hoti hai aur sahi tarike se kaise banayein
Lorry Receipt me kya-kya likhna zaroori hai, teen copies kis-kiske liye hoti hain, aur kaunsi galtiyan payment atkati hain.
Bilty kya hoti hai
Bilty — jise Lorry Receipt ya LR bhi kehte hain — transporter dwara diya gaya wo document hai jo sabit karta hai ki maal uthaya gaya hai aur kahan pahunchana hai.
Ye sirf kaagaz nahi hai. Payment ke jhagde me, insurance claim me, aur GST officer ke saamne yahi aapka sabse pehla sabooth hota hai.
Bilty me kya-kya hona chahiye
- LR number aur date — har bilty ka number alag hona chahiye
- Consignor (bhejne wala) ka naam, address aur GSTIN
- Consignee (paane wala) ka naam, address aur GSTIN
- From aur To — dono sheher
- Maal ka byora — kya hai, kitne package, kitna weight
- Vehicle number
- Freight — kitna, aur kaun dega (paid / to-pay)
- Transporter ka naam, address aur GSTIN
Teen copies kyun hoti hain
Wo galtiyan jinse payment atakta hai
1. GSTIN galat ya khaali — party ka accounts department bill hi reject kar deta hai
2. Weight aur package ki ginti na milna — POD ke waqt jhagda hota hai
3. Vehicle number galat — e-way bill se match nahi karega
4. Sign aur stamp na hona — delivery sabit nahi hoti
POD kyun sabse zaroori hai
POD (Proof of Delivery) wo bilty copy hai jispe consignee ne sign kiya hota hai. POD ke bina zyadatar parties payment nahi karti. Delivery ke turant baad POD ki photo le lein — kaagaz gum ho sakta hai, photo nahi.
---
TransportMaster me bilty seconds me ban jaati hai, teeno copy print ke liye taiyaar. 15 din free try karein.