Driver ka hisaab kaise rakhein — sirf do entry me
Driver ka khata sirf do cheezon se banta hai. Balance plus me ho toh kya matlab, minus me ho toh kya, aur wo galti jo poora hisaab bigaad deti hai.
Driver ka hisaab hi sabse zyada ulajhta hai
Party aur transporter ka hisaab toh phir bhi kaagaz par rehta hai. Driver ka hisaab zyadatar dimaag me chalta hai — aur wahi sabse pehle bigadta hai.
Driver ne diesel bhara, toll diya, khana khaya. Aapne use advance diya. Ab kiska kitna bakaya hai? Yaad nahi.
Do tarah ki entry hoti hai, bas
Poora driver ka hisaab sirf do cheezon se banta hai:
1. Driver ne apni jeb se kharch kiya — diesel, toll, unloading, khana.
Ab aap uske denar ho. Balance badh jaata hai.
2. Aapne driver ko paisa diya — advance, salary, ya kharche ke liye cash.
Ab uska dena kam ho gaya. Balance ghat jaata hai.
Bas. Isse zyada kuch nahi hota.
Balance ka matlab samjho
Agar hisaab lagane ke baad number plus me hai — matlab aapko driver ko dena hai. Usne apni jeb se zyada lagaya.
Agar minus me hai — matlab driver ke paas aapka paisa pada hai. Usne advance zyada le liya, kharcha kam kiya.
Ek chhota udaharan:
Teen aadatein jo jhagda khatam kar deti hain
Har entry usi din likho. Do din baad likhoge toh amount ya toh yaad nahi rahega, ya galat yaad rahega.
Bill lo, chahe chhota ho. Diesel ka bill, toll ka receipt. Driver ko aadat daalo. Bina bill ke entry par baad me shak hota hai.
Mahine me ek baar driver ko balance dikha do. Uske saamne baith kar. Agar usse koi aitraz hai toh abhi bata dega, chhe mahine baad nahi.
Sabse badi galti
Driver ke kharche ko trip ke kharche me mila dena.
Diesel trip ka kharcha bhi hai aur driver ka lena-dena bhi. Dono alag cheezein hain. Agar dono ek jagah likhoge toh na trip ka munafa sahi milega, na driver ka balance.
Trip ka hisaab alag, driver ka khata alag. Ye ek baat samajh me aa jaye toh aadha jhagda khatam.
---
TransportMaster me driver ke kharche aur payment se uska balance apne aap banta rehta hai. 15 din free try karein.